ISO 639-1
ISO 639-1:2002 «Меттай цӀераш белгалдара дола кодаш, 1 дакъа: Альфа-2 кодаш» («Коды для обозначения названий языков, часть 1: коды Альфа-2») — меттай кодашта хетадаь долча дунен къамашта юкъерча стандартий ISO 639 серен стандарта хьалхара да́къа. Хьалхарча даькъо чулоац ши алап долча кодий регистраци. Массо хьалаьцача регистраци яь 183 ши алап дола код да. ХӀаьта дунен тӀа долаш дола метташ (цар эргало) кхы а дукхагӀа да.
Дунен къамаш юкъе метташ стенографи еш формальни белгалдар духьа пайдан хул уж кодаш. Масала:
- Ингалсий мотт белгалбу укх кодаца — en (English яхачох хьадаьннад)
- Фаьренгий мотт белгалбу укх кодаца — fr (French яхачох хьадаьннад)
- Немций мотт белгалбу укх кодаца — de (ший цӀи йолча Deutsch яхачох хьадаьннад)
- Италий мотт белгалбу укх кодаца — it (Italian яхачох хьадаьннад)
- Японий мотт белгалбу укх кодаца — ja (ингал: Japanese яхачох хьадаьннад, амма ший цӀи яп. Nihongo я)
- ФордагӀалой мотт белгалбу укх кодаца — pt (Portuguese яхачох хьадаьннад)
- Эрсий мотт белгалбу укх кодаца — ru (ингал: Russian яхачох хьадаьннад)
- ХӀиспаной мотт белгалбу укх кодаца — es (ший цӀи йолча español яхачох хьадаьннад)
- Свений мотт белгалбу укх кодаца — sv (ший цӀи йолча Svenska яхачох хьадаьннад)
Меттай кодий хьалхара стандарт ISO 639 1967 шера дӀачӀоагӀъяьй. Доакъоех йийкъа хинный из, амма 2002 шера къаьстта йолча ISO 639-1 стандарта хьалхара редакци яьннай. Стандарта чу эггара тӀехьагӀара тӀатохар хиннад 2003 шера саькура бетта 26-гӀча дийнахьа, гаитяний креольски мотт белгалбеш дола ht код тӀатехача хана[1].
1998 шера ISO 639-2 стандарт хьаяьй, меттай кхо алап дола кодаш чулоацаш. Таханарча дийнахьа керда ши алап дола кодаш ISO 639-1 стандарта кхы юкъедоахац, нагахьа санна цу метта код ISO 639-2 яхачун чу дале.[2]
| ISO 639-1 | ISO 639-2 | ЦӀи | ТӀатохара таьрахь | ХьалхагӀа юкъехиннад |
|---|---|---|---|---|
| io | ido | Идо | 2002-01-15 | art |
| wa | wln | Валлонски | 2002-01-29 | roa |
| li | lim | Лимбургски | 2002-08-02 | gem |
| ii | iii | Носу | 2002-10-14 | sit |
| an | arg | Арагонски | 2002-12-23 | roa |
| ht | hat | Гаитяний креольски | 2003-02-26 | cpf |
2007 шера кепатеха йола ISO 639-3 стандарто макромотт (меттай дезал) яха маӀан юкъедаьккхад, амма цар спецификаций трактовка чулоацаш дац.
Хьажа иштта
Белгалдаккхар
- ↑ RFC 5646. Хоам хьаийца таьрахь: 5.07.2011. Архиваци яьй 3.08.2011.
- ↑ ISO 639 Joint Advisory Committee - Working principles for ISO 639 maintenance. Хоам хьаийца таьрахь: 5.07.2011. Архиваци яьй 4.07.2017.
ТӀатовжамаш
Укх лустама́ кхыдола РУВИКИ лустамаш тӀатовжаш дац. |
.svg){kind=link}